დონალდ ტრამპი მის გოლფის კლუბთან მომხდარი სროლის შემდეგ, თავს უსაფრთხოდ გრძნობს - ინფორმაციას ამის შესახებ რესპუბლიკური პარტიის საპრეზიდენტო კანდიდატის საარჩევნო შტაბი ავრცელებს და დასძენს, რომ ინციდენტი ფლორიდაში, პალმ ბიჩზე მოხდა. კერძოდ, ორმა უცნობმა პირმა ცეცხლი მაშინ გახსნა, როდესაც დონალდ ტრამპი გოლფს თამაშობდა. დონალდ ტრამპის კამპანიის სპიკერმა სტივენ ჩუნგმა მედიისთვის დამატებითი დეტალების გაზიარებისგან თავი შეიკავა.

საიდუმლო სამსახურმა სოციალურ ქსელ X-ზე განცხადება გაავრცელა, რომლის მიხედვითაც უკვე მუშაობენ პალმ ბიჩის ოლქის შერიფის ოფისთან, რათა ინციდენტის შესახებ დამატებითი დეტალები გამოიძიონ. გამოიძიოს დამცავი ინციდენტი ტრამპთან დაკავშირებით. საიდუმლო სამსახურის ინფორმაციითვე, შემთხვევა შუადღის 2 საათზე მოხდა. 

შეგახსენებთ, რომ 13 ივლისს, პენსილვანიაში, ყოფილ პრეზიდენტს, დონალდ ტრამპს ესროლეს, რის შემდეგაც, აშშ-ის უსაფრთხოების სამსახურის ხელმძღვანელი, კიმბერლი ჩიტლი თანამდებობიდან კონგრესის ორპარტიული ზეწოლის შემდეგ გადადგა. ყოფილ პრეზიდენტს ტყვია ყურთან მოხვდა. სროლის შედეგად აქციის ერთი მონაწილე დაიღუპა. თავდამსხმელი 20 წლის თომას კრუკსი იყო, რომელსაც საიდუმლო სამსახურის სნაიპერმა ესროლა. ის ადგილზე გარდაიცვალა.