შეერთებული შტატების პრეზიდენტმა, დონალდ ტრამპმა, აშშ-ში იმპორტირებულ საქონელზე 10%-იანი, ხოლო ათეულობით ქვეყნისთვის, რომლებსაც შეერთებულ შტატებთან სავაჭრო ურთიერთობა აქვთ, კიდევ უფრო მაღალი ტარიფები დააწესა. 20%-იანი ტარიფი ამოქმედდა ევროკავშირიდან იმპორტირებულ საქონელზეც.
თეთრი სახლის მიერ გამოქვეყნებულ სიაში აღნიშნულია, რომ 10%-იანი ტარიფი დაუწესდა საქართველოსაც. რეგიონში 10%-იანი ტარიფი, საქართველოს გარდა, თურქეთს, აზერბაიჯანს, სომხეთსა და უკრაინასაც დაუწესდა.
აშშ-ის პრეზიდენტი დონალდ ტრამპი ამბობს, რომ ევროკავშირის ქვეყნები რთული და მკაცრი მოვაჭრეები არიან და რომ "ეს ძალიან სამწუხარო ამბავია, რადგან თავად 39%-ს იხდიან, საპასუხოდ კი 20%-იან ტარიფებს აწესებენ".
"ათწლეულების განმავლობაში ჩვენს ქვეყანას ძარცვავდნენ, შეურაცხყოფდნენ და სათავისოდ იყენებდნენ როგორც ახლო, ისე შორეული ერები, როგორც მეგობრები, ისე მტრები. ფოლადის ამერიკელი მწარმოებლები, ავტოინდუსტრიაში მომუშავე პირები, ფერმერები და გამოცდილი ხელოსნები დღეს აქ, ჩვენთან, არიან. ისინი რთულ მდგომარეობაში იყვნენ, ტანჯვით უყურებდნენ, როგორ ჰპარავდნენ მათ უცხოელი ლიდერები ჩვენს სამუშაო ადგილებს, უცხოელმა თაღლითებმა ააოხრეს ჩვენი ქარხნები და ე.წ. სვავებმა ნაწილებად აქციეს ეს ერთ დროს ლამაზი ამერიკული ოცნება", – განაცხადა თეთრ სახლში სიტყვით გამოსვლისას დონალდ ტრამპმა.
0 კომენტარი