პრეზიდენტმა დონალდ ტრამპმა Truth Social-ზე დაწერა, რომ ტარიფები მექსიკასა და კანადაზე ძალაში შევა 4 მარტს, ხოლო ჩინეთს იმავე დღეს დამატებით 10%-იანი ტარიფი დაეკისრება.  

მექსიკიდან და კანადიდან იმპორტზე დაწესებული 25%-იანი ტარიფები 3 თებერვალს ერთი თვით გადაიდო. 

აშშ-ის პრეზიდენტიც განცხადებით,  ნარკოტიკული საშუალებები "მექსიკიდან და კანადიდან კვლავ დიდ და მიუღებელ რაოდენობებში მოედინება ჩვენს ქვეყანაში," მიუხედავად იმისა, რომ ორივე მეზობელმა ქვეყანა ვაშინგტონს საზღვრების კონტროლის გაძლიერებას ჰპირდება.  

"ჩვენ ვერ დავუშვებთ, რომ ეს საშინელი პრობლემა აშშ-ს აზიანებდეს, ამიტომ სანამ ეს არ შეჩერდება ან მნიშვნელოვნად არ შეიზღუდება, 4 მარტს დაგეგმილი ტარიფები ნამდვილად შევა ძალაში, როგორც დაგეგმილია," - დაწერა პრეზიდენტმა ტრამპმა.  

მან ასევე განაცხადა, რომ ჩინეთს, რომლის პროდუქციაც უკვე ექვემდებარება 10%-იან ტარიფს აშშ-ის მხრიდან, დამატებით 10%-იანი ტარიფი დაეკისრება.