უკრაინის პრეზიდენტმა, ვოლოდიმირ ზელენსკიმ გერმანიის მთავრობას მადლობა გადაუხადა უკრაინისთვის დაანონსებული ახალი სამხედრო დახმარების დაანონსებისთვის.

“ეს არის დროული და ჩვენს პრიორიტეტებზე ფოკუსირებული დახმარება, განსაკუთრებით საჰაერო თავდაცვის მიმართულებით. თანამედროვე Skynex სისტემა და დამატებითი IRIS-T SLM ტიპის რაკეტები, ჩვენი ცის დაცვას გააძლიერებს და მეტი ადამიანის სიცოცხლეს გადაარჩენს. მადლობელი ვარ გერმანიის, რომ ამ მიმართულებით ლიდერობა კიდევ ერთხელ დაადასრტურა. დახმარების პაკეტში ასევე შედის “მარდერები”, საარტილერიო საბრძოლო მასალა, დრონების აღმოჩენის სისტემები და სხვა. გერმანიის დახმარება მნიშვნელოვანია, რომ უფრო სწრაფად დასტაბილურდეს ვითარება და აღდგეს მშვიდობა უკრაინასა და მთელ ევროპაში”,- წერს პრეზიდენტი ზელენსკი სოციალურ ქსელ X-ში.

გერმანიამ უკრაინის სამხედრო დახმარების ახალი პაკეტი დააანონსა, რომელთა შორისაა:
საზენიტო თვითმავალი საარტილერიო დანადგარი Skynex;
TRML 4D-ის ტიპის ორი საჰაერო სათვალთვალო რადარი;
10 GO12-ის სახმელეთო სათვალთვალო რადარი;
საბრძოლო მასალა LEOPARD 2 A6-ისთვის;
რაკეტები IRIS-T SLM-ის საჰაერო თავდაცვის სისტემებისთვის;
9 080 ერთეული 155 მილიმეტრიანი საბრძოლო მასალა;
2 ერთეული WISENT-ის ტიპის ტანკი (ნაღმების გამწმენდი) და ერთი BEAVER-ის ტიპის ხიდის დამგები ტანკი;
3350 საბრძოლო ჩაფხუტი;
30 დრონის აღმოსაჩენი სისტემა;
10 ერთეული Mercedes-Benz Zetros სატვირთო;
სამი 8x8 HX81 ტრაქტორი და მისი გადამზიდი 1 ტრაილერი;
305 ერთეული MK 556 ავტომატი;
750 000 ტყვია;
1152 ზამთრის შენიღბვის ბადეები;
10 Marder ქვეითი საბრძოლო მანქანა;
34 მანქანა (სატვირთო, მიკროავტობუსები, ყველგანმავალი);