„ჩვენი მხარდაჭერა არ შეირყევა, თქვენ ისტორიის სწორ მხარეს დგახართ“, - ამ სიტყვებით მიმართავს ამერიკული არასამთავრობო ორგანიზაცია „დემოკრატიის ეროვნული ფონდის“ (NED) თავმჯდომარე დეიმონ უილსონი ქართველ ხალხს. უილსონის თქმით, ის გაოგნებულია ბიძინა ივანიშვილის გამოსვლით, რომელშიც „ქართული ოცნების“ დამფუძნებელი დასავლელ პარტნიორებს დაესხა თავს, პოლიტიკურ ოპოზიციას და სამოქალაქო საზოგადოებას კი რეპრესიებს დაპირდა. 

„ამ კვირაში, მშვიდობიანი მომიტინგეებზე საშინელი თავდასხმების ფონზე, მსურდა პირდაპირ მეთქვა მადლობა. ჩვენ მხარს გიჭერთ, ჩვენ აღფრთოვანებული ვართ თქვენით, რადგან დავინახეთ, რამდენი ქართველი გამოვიდა, რათა გაეპროტესტებინა თქვენი პარლამენტის მიერ რუსეთიდან შთაგონებული „უცხოელი აგენტების“ კანონის განხილვა. ეს ეს ხდებოდა იმ დროს, როდესაც საქართველოს პარლამენტის დელეგაცია ვაშინგტონს ეწვია. აქ, NED-ში, დელეგაციამ დაიწყო ჩვენი დისკუსია იმით, რომ აღინიშნა თავისი განზრახვა, უფრო გაეღრმავებინა აშშ-საქართველოს სტრატეგიული პარტნიორობა. ჩვენ ეს ცოტა არ იყოს გაგვიკვირდა, რადგან რამდენიმე წუთით ადრე მოვისმინეთ ბიძინა ივანიშვილის შემზარავი გამონათქვამები, სადაც მან დემონიზაცია და დეჰუმანიზაცია მოახდინა იმ პატრიოტი ქართველებისა, რომლებიც მუშაობენ საზოგადოების მხარდასაჭერად, დაპირდა ძალადობას პოლიტიკურ ოპოზიციას და თავს დაესხა საქართველოს უახლოეს მეგობრებსა და მოკავშირეებს.
როგორც ჩვენ საქართველოს დელეგაციას ვუთხარით, ჩვენ არსად მივდივართ. ჩვენ დიდი ხნით ვართ აქ, იმიტომ რომ თქვენ ხართ დიდი ხნით მოსულები ჩვენთან.

როგორც ჯინ შაჰინმა, ჯიმ რიშმა და კიდევ 12-მა სხვა სენატორმა ხაზგასმით აღნიშნეს გასულ კვირას გამოქვეყნებულ წერილში, დადგება კონკრეტული შედეგები ბიძინასთვის და მათთვის, ვინც მხარს დაუჭერს რუსული სტილის კანონმდებლობას და ვინც აფერხებს ქართველი ხალხის ნებას თავისუფლებისა და დემოკრატიისთვის. ჩვენ არ გავურბივართ ისტორიულ მომენტებს, ჩვენ ვაორმაგებთ ძალისხმევას. ეს სწორედ ასეთი მომენტია.

რადგან ბევრი თქვენგანი იცავთ თქვენს უფლებებს და პროტესტს გამოთქვამს თქვენი მომავლის დასაცავად, ჩვენი გზავნილი თქვენთვის არის შემდეგი: ჩვენ გხედავთ, გვესმის თქვენი და მხარს გიჭერთ. ჩვენი მხარდაჭერა არ შეირყევა. ჩვენ თქვენთან ვართ ყველაფერში, რაც არ უნდა მოხდეს. თქვენ ისტორიის სწორ მხარეს ხართ. წარმატებებს გისურვებთ და გმადლობთ“, - აცხადებს დეიმონ უილსონი.