ბრიუსელში გამართულ NATO-ს საგარეო საქმეთა მინისტრების შეხვედრის შემდეგ, შეერთებული შტატების სახელმწიფო მდივანმა, მარკო რუბიომ, უკრაინის ომთან დაკავშირებულ მოლაპარაკებებზე ისაუბრა და თქვა, რომ მალე გახდება ცნობილი, რუსეთს მართლა სურს მშვიდობა, თუ მოსკოვი პროცესს სტრატეგიულად აჭიანურებს. მისივე თქმით, პრეზიდენტი ტრამპი ამ მახეში არ გაებმება.
"ჩვენ მალე გავიგებთ, რამდენიმე კვირაში, თვეებში არა, მართლა უნდა თუ არა რუსეთს მშვიდობა. მე ვისურვებდი, რომ უნდოდეთ. მსოფლიოსთვის კარგი იქნება, თუ ეს ომი დასრულდება. მაგრამ, რა თქმა უნდა, ეს წინადადება უნდა გამოვცადოთ", - აღნიშნა სახელმწიფო მდივანმა.
"რუსებმა იციან ჩვენი პოზიცია ომის დასრულების პირობებთან დაკავშირებით და მათი პასუხებიდან ძალიან მალე გვეცოდინება, სერიოზულად აპირებენ ნამდვილი მშვიდობისკენ წინსვლას თუ ეს ტაქტიკური შეფერხებაა. თუ ეს შეფერხების ტაქტიკაა, პრეზიდენტი ამით დაინტერესებული არაა. თუ ეს საქმეს აჭიანურებს, პრეზიდენტი ტრამპი დაუსრულებელი მოლაპარაკებების მახეში არ გაებმება", - დასძინა მარკო რუბიომ.
0 კომენტარი