საფრანგეთში სკოლის მასწავლებლის სასტიკი მკვლელობის საქმეზე ბრალი 7 ადამიანს წარედგინა

საფრანგეთში სკოლის მასწავლებლის, სამუელ პატის სასტიკი მკვლელობის საქმეზე ბრალი 7 ადამიანს წარედგინა. ამის შესახებ ინფორმაციას პარიზის ანტიტერორისტული პროკურატურა ავრცელებს.

მისი ცნობით, ექვს ბრალდებულს გამოძიება „ტერორისტული მიზნით ჩადენილი მკვლელობის ხელშეწყობას“ ედავება. ბრალდებულებს შორის არიან მკვლელის, აბდულაჰ ანზაროვის ორი მეგობარი – ნაიმ ბ. და აზიმ ე. მისი კიდევ ერთ მეგობარს, იუსუფ ს.-ს ბრალი „ტერორისტული დაჯგუფების წევრობის“ მუხლით წარედგინა.

ბრალდებულებს შორის ორი არასრულწლოვანია. გამოძიების მტკიცებით, 14 და 15 წლის სკოლის მოსწავლეებმა 350 ევროს სანაცვლოდ ტერორისტს მიაწოდეს ინფორმაცია მასწავლებლის შესახებ, რომელსაც ის სახეზე არ იცნობდა.

16 ოქტომბერს ქალაქ კონფლან-სენ-ონორინში პოლიციამ ერთ-ერთი სკოლის ისტორიის მასწავლებელის, სამიუელ პატის თავმოკვეთილი ცხედარი იპოვა. ფრანგული მედიის ცნობით, მასწავლებელი გაკვეთილებზე მოსწავლეებს წინასწარმეტყველი მოჰამედის კარიკატურებს აჩვენებდა. პოლიციამ თავდამსხმელი ვალ-დ’უაზის კომუნაში მოკლა, მანამდე ის სამართალდამცველებს ცივი იარაღით დაემუქრა. მოგვიანებით გაირკვა, რომ თავდამსხმელი მოსკოვში დაბადებული 18 წლის აბდულა ა არის.

საფრანგეთის პრეზიდენტმა, ემანუელ მაკრონმა მომხდარს ტერორისტული აქტი უწოდა.

Next Post

პრემიერი: დამნაშავის უმოკლეს ვადაში დასაკავებლად ყველა კანონიერი ინსტრუმენტი, უფლება და შესაძლებლობა უნდა იყოს გამოყენებული

ხუთ ოქტ 22 , 2020
შსს-ს აქვს უმთავრესი ამოცანა – დამნაშავე უმოკლეს ვადაში უნდა იყოს დაკავებული და ამისთვის მიმდინარეობს ოპერატიული სამძებრო მოქმედებები. ყველა კანონიერი ინსტრუმენტი, უფლება და შესაძლებლობა, რომელიც აქვს შსს-ს, ამ მიზნის მისაღწევად უნდა იყოს გამოყენებული, რათა მსგავსი დანაშაულის ჩამდენებს დაუსჯელობის შეგრძნება არ გაუჩნდეთ, – ამის შესახებ მთავრობის სხდომაზე პრემიერ-მინისტრმა, გიორგი გახარიამ განაცხადა. „გუშინ […]

ახალი ამბები

საინფორმაციო პორტალი

GLOBALNEWS.GE

პოლიტიკურ, სოციალურ, ეკონომიკურ, კულტურულ და სხვა მოვლენებს საქართველოსა და მის ფარგლებს გარეთ ამომწურავად და მიუკერძოებლად აშუქებს. ჩვენი გუნდის მთავარი პრინციპებია: სიზუსტე, ოპერატიულობა, დაბალანსებული და ობიექტური ინფორმაციის მიწოდება. ჩვენ დღე-ღამის განმავლობაში ოპერატიულად, მოვლენების კვალდაკვალ ვმუშაობთ.

კალენდარი

მარტი 2021
1234567
891011121314
15161718192021
22232425262728
293031  

კატეგორიები

არქივი