უეფას 2020 წლის სუპერთასი „ბაიერნმა“ მოიგო. „რეკორდმაისტერსა“ და „სევილიას“ შორის მატჩის ძირითადი დრო ფრედ 1:1 დასრულდა, ოვერტაიმში კი მიუნხენელებმა ანგარიშით 2:1 გაიმარჯვეს. პირველ ნახევარში ლუკას ოკამპოსის თერთმეტმეტრიანს ზუსტი დარტყმით ლეონ გორეცკამ უპასუხა. გამარჯვების ბურთი კი 104-ე წუთზე ხავი მარტინესმა გაიტანა. სუპერთასი მიუნხენელებმა მეორედ მოიგეს, მატჩის საუკეთესო მოთამაშედ კი ტომას მიულერი […]

ლისაბონის „სპორტინგმა“ თავის საფეხბურთო აკადემიას კრიშტიანო რონალდუს პატივსაცემად სახელი გადაარქვა. კლუბის ხელმძღვანელების გადაწყვეტილებით, ამიერიდნ ის სწორედ რონალდუს სახელობის იქნება. კრიშტიანო რონალდუ „სპორტინგში“ 1997 წელს, 12 წლის ასაკში ჩაირიცხა, მთავარი გუნდის შემადგენლობაში სადებიუტო მატჩი კი 2002 წლის 14 აგვისტოს „ინტერის“ წინააღმდეგ გამართა. Academia Cristiano Ronaldo-ს გახსნის ოფიციალური ცერემონიალი უახლოეს მომავალში შედგება.

ჭიდაობაში 23-წლამდელთა 2020 წლის მსოფლიო ჩემპიონატი აღარ ჩატარდება. ტურნირი 23-29 ნოემბერს ფინეთის ქალაქ ტამპერეში უნდა გამართულიყო, თუმცა ჭიდაობის საერთაშორისო ფედერაციამ კორონავირუსის პანდემიის გათვალისწინებით შემოღებული სამოგზაურო შეზღუდვების გამო, მისი გაუქმება გადაწყვიტა. ასევე ცნობილია, რომ წლის ბოლომდე და მომავალ წელს ჩასატარებელ შეჯიბრებზე, კორონავირუსის პრევენციის მიზნით, მაყურებლის დასწრება შეზღუდული იქნება.

თბილისის „დინამო“ ევროპა ლიგის მესამე საკვალიფიკაციო ეტაპზე გავიდა. საქართველოს ჩემპიონმა სტუმრად უელსის „ქონას ქი ნომედსი“ მინიმალური სხვაობით, 1:0 დაამარცხა. ერთადერთი ბურთი შეხვედრის ბოლო წამებზე გიორგი გაბედავამ თერთმეტმეტრიანი საჯარიმო დარტყმით გაიტანა, რომელიც ბრაზილიელმა პერნამბუკომ მოიპოვა. მესამე საკვალიფიკაციო ეტაპზე „დინამოს“ მეტოქე ფარერების „კლაკსვიკი“ იქნება, კიდევ ერთი ქართული გუნდი „ლოკომოტივი“ კი ესპანეთის „გრანადას“ […]

ევროპა ლიგის საკვალიფიკაციო ეტაპის მეორე მატჩში თბილისის „ლოკომოტივმა“ მოსკოვის „დინამო“ ანგარიშით 2:1 დაამარცხა. შეხვედრა მიხეილ მესხის სახელობის სტადიონის სათადარიგო მოედანზე გაიმართა. მომდევნო ეტაპზე ლოკომოტივის მეტოქე ესპანური გრანადა იქნება. მატჩი 24 სექტემბერს გაიმართება.

„მასტერსის“ სერიის ტურნირზე, პირველ წრეში ნიკოლოზ ბასილაშვილის მეტოქე იტალიელი ლორენცო სონეგო იქნება. მათ შორის გამარჯვებული რუს კარენ ხაჩანოვსა და ნორვეგიელ კასპერ რუუდს შორის მოგებულს შეხვდება. ბასილაშვილს ამ მომენტისთვის სამმატჩიანი წაგებების სერია აქვს, სულ ამ სეზონში ATP-ის დონეზე სამი მატჩი მოიგო და რვაჯერ დამარცხდა. რომის „მასტერსი“ 14 სექტემბერს დაიწყება. სონეგო მსოფლიო კლასიფიკაციაში 46-ე ადგილს იკავებს, ბასილაშვილი კი 30-ე ჩოგანია.

4-დან 4 გამარჯვება – ასეთია მოსკოვის ცსკა-ს შედეგი სეზონისწინა, მოსამზადებელ მატჩებში. “არმიელებმა” წინა 3 შეხვედრა იოლად მოუგეს, ბოლო სპარინგში კი სანკტ-პეტერბურგის “ზენიტთან” შედარებით გაუჭირდათ. შენგელია და მისი თანაგუნდელები შეხვედრის განმავლობაში 14 ქულითაც კი აგებდნენ და მატჩში პირველად დაწინაურება მხოლოდ ბოლო მეოთხედში მოახერხეს, საბოლოოდ კი, პეტერბურგელებს 78:72 სძლიეს. საქართველოს ნაკრების კაპიტანმა […]

ხაზის მსაჯი, რომელსაც ნოვაკ ჯოკოვიჩმა ყელში ბურთი გაარტყა და დისკვალიფიკაციით დაისაჯა, სერბი ჩოგბურთელის ფანების მსხვერპლიც გახდა.  ერთერთმა სერბულმა საიტმა ქალბატონის “ინსტაგრამ” გვერდის მისამართი გამოაქვეყნა, ხოლო სერბი ფანები გიჟებივით შეესივნენ მსაჯის ფოტოებს და უამრავი შეურაცხმყოფელი კომენტარი დაუწერეს, ძირითადად სერბულ ენაზე.  განსაკუთრებით მიუღებელი, ალბათ, ქალბატონის გარდაცვლილი შვილის დაცინვა იყო. თუმცა, “ნოლეს” ფანატები […]

ვასილ მაისურაძის მომზადებულმა გუნდმა სტუმრად ლიხტენშტეინის ნაკრები 2:0 დაამარცხა. პირველი ბურთი გორის „დილას“ თავდამსხმელმა ნუგზარ სპანდერაშვილმა გაიტანა, საბოლოო ანგარიში კი დავით სამურკასოვმა დააფიქსირა. შვიდი ტურის შემდეგ საქართველოს 21 წლამდე ნაკრები 9 ქულით, ჯგუფში მესამე ადგილზეა და მომდევნო შეხვედრას 9 ოქტომბერს თბილისში შვეიცარიასთან გამართავს.

35 წლის ფეხბურთელმა უეფას ერთა ლიგაზე შვედეთის ნაკრებთან გამართული შეხვედრის 45-ე წუთზე მე-100 გოლის გატანა, საჯარიმო დარტყმით შეძლო, თუმცა ის ამაზე არ შეჩერებულა. 72-ე წუთზე, არანაკლებ ეფექტური დარტყმით 101-ე ბურთიც გაიტანა და პორტუგალიელებს 2:0 მოაგებინა. მთელი მსოფლიოს მასშტაბით გატანილი გოლების რაოდენობით, რეკორდსმენი ირანელი ალი დაეია, რომელსაც პორტუგალიელი მხოლოდ რვა ბურთით […]

ახალი ამბები

საინფორმაციო პორტალი

GLOBALNEWS.GE

პოლიტიკურ, სოციალურ, ეკონომიკურ, კულტურულ და სხვა მოვლენებს საქართველოსა და მის ფარგლებს გარეთ ამომწურავად და მიუკერძოებლად აშუქებს. ჩვენი გუნდის მთავარი პრინციპებია: სიზუსტე, ოპერატიულობა, დაბალანსებული და ობიექტური ინფორმაციის მიწოდება. ჩვენ დღე-ღამის განმავლობაში ოპერატიულად, მოვლენების კვალდაკვალ ვმუშაობთ.

კალენდარი

სექტემბერი 2020
 123456
78910111213
14151617181920
21222324252627
282930  

კატეგორიები

არქივი